Türkmenistanyň Ykdysadyýetçiler birleşiginiň ýanyndaky Maslahatçylar bölümi öz resmi web-saýtyny işe girizdi. Täze web-saýt ýokary hilli maslahat hyzmatlary bilen gyzyklanýan maslahatçylar, kärhanalar we guramalar üçin bitewi maglumat meýdançasy bolup hyzmat eder.

Web-saýtda Bölümiň alyp barýan işleri, hünär ugurlary beýan ediler hem-de maslahat berişiň dürli ugurlarynda işleýän hünärmenler barada maglumatlar ýerleşdiriler. Ulanyjylar maslahatcylary[ profilleri, Bölümiň hyzmatdaşlary bilen tanşyp, şeýle hem täzelikleri we geçiriljek çäreleri yzygiderli yzarlap bilerler.

Web-saýtyň işe girizilmegi maslahatçylaryň hünärmen jemgyýetini ösdürmekde hem-de Türkmenistanda hünärmenler bilen işewürligiň arasynda has amatly hyzmatdaşlyk gurşawyny döretmekde nobatdaky ädimdir.